ރައީސް ޔާމީންގެ މައްޗަށް ދަޢުވާކޮށްފައިވާ މައްސަލަ - ވ. އާރަށް
މައްސަލަ ބަލައިގަތް ތާރީޚް: 22/11/2021 17:29
މައްސަލައިގެ ބާވަތް: ރިޝްވަތު ދިނުމާއި ލިބިގަތުމުގެ މައްސަލަތައް
މައްސަލައިގެ ޚުލާސާ: މއ.ކަމިނީހުޅަގުގެ ޢަބުދުﷲ ޔާމީން ޢަބުދުއްޤައްޔޫމް އާއި ވ.ފެލިދޫ/ހަނދުވަރީގެ ޔޫސުފް ނަޢީމް މިނިސްޓްރީ އޮފް ޓްއަރިޒަމް އާއި މޯލްޑިވްސް މާރކެޓިންގ އެންޑް ޕަބްލިކް ރިލޭޝަން ކޯޕަޭޝަން މެދުވެރިކޮށް ޓުއަރިސްޓް ރިޒޯޓް ތަރައްޤީ ކުރުމަށްޓަކައި ވ.އާރަށް ކުއްޔަށް ދޫކުރުމުގެ މުއާމަލާތުގެ ތެރެއިން މަޤާމުގެ ނުފޫޒު ބޭނުންކޮށްގެން ރިޝްވަރުގެ ގޮތުގައި އެއްމިލިއަން ޔޫއެސް ޑޮލަރ ނަގައި ލޯންޑަރ ކޮށްފައިވާ ކަަމަށް ތުޙުމަތުކުރެވޭ މައްސަލަ.
ކުރެވުނު ދަޢުވާ
1336/2021/CRC/461 - ކްރިމިނަލް ކޯޓް (24/11/2021)
278/Cr-C/2024 މަނީ ލޯންޑްރިންގ
ޤާނޫނު ނަންބަރު: 10/2014 (މަނީ ލޯންޑްރިންގ އަދި ޓެރަރިޒަމަށް ފައިނޭންސްކުރުން ހުއްޓުވުމުގެ ޤާނޫނު) ގެ 53 ވަނަ މާއްދާގެ (ހ) އާއި، 5 ވަނަ މާއްދާގެ (ހ) ގެ 2 ވަނަ ނަންބަރާއި 3 ވަނަ ނަންބަރާ ޙަވާލާދީ، 53 ވަނަ މާއްދާގެ (ށ) ގެ ދަށުންނާއި، 62 ވަނަ މާއްދާގެ (ހ) ގެ 1 ވަނަ ނަންބަރުގެ ދަށުން.
ދަޢުވާ ކުރާ ސަބަބު:
ޢަބްދުﷲ ޔާމީން ޢަބްދުލްޤައްޔޫމް، ދިވެހިރާއްޖޭގެ ރައީސުލްޖުމްހޫރިއްޔާކަމުގެ މަޤާމުގައި ހުރިއިރު، މޯލްޑިވްސް މަރކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމް.އެމް.ޕީ.އާރް.ސީ) މެދުވެރިކޮށް ޓޫރިސްޓް ރިސޯޓެއް ތަރައްޤީކުރުމަށްޓަކައި، 09 ސެޕްޓެންބަރު 2015 ދުވަހު، ވ.އާރަށް، ޓޫ ޖީ ޕްރައިވެޓް ލިމިޓެޑަށް ކުއްޔަށް ދިނުމުގެ މުޢާމަލާތާ ގުޅިގެން، އެ ކުންފުނީގެ ޙިއްޞާދާރެއްކަމުގައިވާ ވ.ފެލިދޫ ހަނދުވަރީގެ، ޔޫސުފް ނަޢީމް، މީނާއަށް ރިޝްވަތުގެ ގޮތުގައި ޔޫސުފް ނަޢީމްގެ ނަމުގައި ބޭންކް އޮފް މޯލްޑިވްސްގައި ހުޅުވާފައިވާ ނަންބަރު: 7704257481102 އެކައުންޓުގެ ނަންބަރު: 0000176 ޗެކުން 1,000,000.00$US (އެއް މިލިއަން އެމެރިކާ ޑޮލަރު) 15 ސެޕްޓެންބަރު 2015 ދުވަހު މީނާއަށް ދޫކުރުމުން، މީނާ ރިޝްވަތު ޤަބޫލުކޮށް، 17 ސެޕްޓެންބަރު 2015 ދުވަހު، އެ ޗެކުގައިވާ US$1,000,000.00 (އެއް މިލިއަން އެމެރިކާ ޑޮލަރު) މީނާގެ ނަމުގައި ހޮންގކޮންގ އެންޑް ޝަންހާއީ ބޭންކިންގ ކޯޕަރޭޝަން (އެޗް.އެސް.ބީ.ސީ) ގައި ހުޅުވާފައިވާ ނަންބަރު: 200025211101 އެކައުންޓަށް ޖަމާކޮށް ބެހެއްޓުމަށްފަހު، 22 ފެބްރުވަރީ 2016 ދުވަހު، ދެންނެވި އެކައުންޓުގައި ހުރި އިތުރު ފައިސާއާއެކު، ޖުމުލަ US$1,001,409.76 (އެއް މިލިއަން އެއްހާސް ހަތަރު ސަތޭކަ ނުވަ ޑޮލަރު ހަތްދިހަ ހައެއް ސެންޓް) ބޭންކް އޮފް މޯލްޑިވްސްގައި މީނާގެ ނަމުގައި ހުޅުވާފައިވާ ނަންބަރު: 7701108741102 އެކައުންޓަށް ޖަމާކުރުމަށްފަހު، އެ އެކައުންޓުގައި ހުރި އިތުރު ފައިސާއާއެކު ޖުމުލަ US$1,295,000.00 (އެއް މިލިއަން ދެލައްކަ ނުވަދިހަ ފަސްހާސް އެމެރިކާ ޑޮލަރު) މޯލްޑިވްސް އިސްލާމިކް ބޭންކްގައި މީނާގެ ނަމުގައި ހުޅުވާފައިވާ ނަންބަރު: 99010110002200200 އެކައުންޓަށް 21 ފެބުރުވަރީ 2017 ޖަމާކުރުމަށްފަހު، އެ އެކައުންޓުގައި ހުރި އިތުރު ފައިސާއާއެކު ޖުމުލަ US$3,413,230.00 (ތިން މިލިއަން ހަތަރުލައްކަ ތޭރަހާސް ދުއިސައްތަ ތިރީސް އެމެރިކާ ޑޮލަރު) މޯލްޑިވްސް އިސްލާމިކް ބޭންކްގައި މީނާގެ ނަމުގައި ހުޅުވާފައިވާ ނަންބަރު: 90103100022002000 އެކައުންޓަށް 14 މާރިޗު 2017 ދުވަހު ޖަމާކޮށް، އެ ފައިސާއިން މަންފާ ހޯދުމަށްޓަކައި 36 (ތިރީސް ހައެއް) މަސްދުވަހުގެ މުއްދަތަށް އިންވެސްޓްކޮށްފައިވާތީއާއި، މީނާ ލޯންޑަރކޮށްފައިވާ US$1,000,000.00 (އެއް މިލިއަން އެމެރިކާ ޑޮލަރު) އާއި، މި ފައިސާއާ އެއްކޮށްފައިވާ US$2,413,230.00 (ދެ މިލިއަން ހަތަރު ލައްކަ ތޭރަހާސް ދުއިސައްތަ ތިރީސް އެމެރިކާ ޑޮލަރު) އާއި، މި ފައިސާ އިންވެސްޓްކޮށްގެން ލިބިފައިވާ މަންފާ ދައުލަތަށް ނަގައިދިނުމަށް އެދި.
އަސާސީ އަދަބު: 100,000 ރުފިޔާއާއި 1,000,000 ރުފިޔާއާއި ދެމެދުގެ އަދަދަކުން ޖޫރިމަނާ ކުރުމާއެކު 5 އަހަރާއި 15 އަހަރާއި ދެމެދުގެ މުއްދަތަކަށް ޖަލަށް ލުން ނުވަތަ މާއެކު 5 އަހަރާއި 15 އަހަރާއި ދެމެދުގެ މުއްދަތަކަށް ޖަލަށް ލުން
277/Cr-C/2024 ރިޝްވަތު ޤަބޫލުކުރުން
ޤާނޫނު ނަންބަރު: 9/2014 (ދިވެހިރާއްޖޭގެ ޤާނޫނުލްޢުޤޫބާތު) ގެ 510 ވަނަ މާއްދާގެ (ހ) އާ ޙަވާލާދީ، އެ މާއްދާގެ (ބ) ގެ ދަށުން.
ދަޢުވާ ކުރާ ސަބަބު:
ޢަބްދުﷲ ޔާމީން ޢަބްދުލްޤައްޔޫމް، ދިވެހިރާއްޖޭގެ ރައީސުލްޖުމްހޫރިއްޔާކަމުގެ މަޤާމުގައި ހުރިއިރު، މޯލްޑިވްސް މާރކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމް.އެމް.ޕީ.އާރް.ސީ) މެދުވެރިކޮށް ވ.އާރަށް، ވަކި ފަރާތަކަށް (ވ.ފެލިދޫ ހަނދުވަރީގެ، ޔޫސުފް ނަޢީމްގެ ހިއްސާ އޮންނަ ޓޫ ޖީ ޕްރައިވެޓް ލިމިޓެޑަށް) ކުއްޔަށް ދިނުމަށް ނުފޫޒު ފޯރުވުމުން، އެކަމުގެ މުޤާބިލުގައި ވ.ފެލިދޫ ހަނދުވަރީގެ، ޔޫސުފް ނަޢީމްގެ ނަމުގައި ބޭންކް އޮފް މޯލްޑިވްސްގައި ހުޅުވާފައިވާ ނަންބަރު: 7704257481102 އެކައުންޓްގެ ނަންބަރު: 0000176 ޗެކުން، 15 ސެޕްޓެންބަރު 2015 ދުވަހު މީނާއަށް ރިޝްވަތުގެ ގޮތުގައި ދޫކުރި US$1,000,000.00 (އެއް މިލިއަން އެމެރިކާ ޑޮލަރު) ޤަބޫލުކޮށް، މި ޗެކު މީނާގެ ނަމުގައި ހޮންގކޮންގ އެންޑް ޝަންހާއީ ބޭންކިންގ ކޯޕަރޭޝަން (އެޗްއެސްބީސީ) ގައި ހުޅުވާފައިވާ ނަންބަރު: 200025211101 އެކައުންޓަށް 17 ސެޕްޓެންބަރު 2015 ދުވަހު ޖަމާކޮށް، ރިޝްވަތު ޤަބޫލުކޮށްފައިވާތީ.
އަސާސީ އަދަބު: 3 އަހަރާއި 2 މަހާއި 12 ދުވަހުގެ މުއްދަތަކަށް ޖަލަށްލުން
279/Cr-C/2024 ރިޝްވަތު ދިނުން
ޤާނޫނު ނަންބަރު: 9/2014 (ދިވެހިރާއްޖޭގެ ޤާނޫނުލްޢުޤޫބާތު) ގެ 510 ވަނަ މާއްދާގެ (ށ) އާ ޙަވާލާދީ، އެ މާއްދާގެ (ބ) ގެ ދަށުން.
ދަޢުވާ ކުރާ ސަބަބު:
އަސާސީ އަދަބު: 3 އަހަރާއި 2 މަހާއި 12 ދުވަހުގެ މުއްދަތަކަށް ޖަލަށްލުން