-
31 ޑިސެންބަރު 2025
ކޭ-ޕާކް ރެޒިޑެންސް އެޕާރޓްމަންޓްތައް އޮޅުވާލާއިގެން މަކަރާއިޙީލަތުން އެކި މީހުންނަށް ވިއްކައި، މަނީ ލޯންޑަރކުރި މައްސަލަ ސާބިތުވާކަމަށް ޙުކުމްކުރުން
މއ. އެރަލްސީ، ޙަސަން މަމްދޫޙްއާއި، ރ. އަލިފުށި، ކިނާރާ، ޖައިޝާން ސަޢީދު ހަންބޯ ކޮމްޕެނީ ޕްރައިވެޓް ލިމިޓެޑުގެ ވެރިޔާގެ ސޮއި ފޯޖުކޮށްގެން ހަންބޯ ކޮމްޕެނީ ޕްރައިވެޓް ލިމިޓެޑްގެ ނަމުގައި ބޭންކް އެކައުންޓް ހުޅުވައި، ކޭ-ޕާކް ރެޒިޑެންސްގެ ނަމުގައި ހުޅުމާލޭގައި އިމާރާތްކުރަމުންދާ އެޕާރޓްމަންޓްތައް އޮޅުވާލާއިގެން މަކަރާއިޙީލަތުން އެކި މީހުންނަށް ވިއްކައި، ބައެއް އެޕާރޓްމަންޓްތައް އެކަކަށްވުރެ ގިނަ މީހުންނަށް ވިއްކައި، އެފައިސާއަށް ޚިޔާނާތްތެރިވެ އެފައިސާ ލޯންޑަރކޮށްފައިވާ މައްސަލާގައި ޓެކުމާއި، އޮޅުވާލުމާއި، ޞައްޙަނޫން ލިޔުން ދިނުމާއި، މަނީ ލޯންޑްރިންގެ ކުށާ ގުޅުންހުރި 199 (ސަތޭކަ ނުވަދިހަ ނުވަ) ދަޢުވާ 12 ޑިސެންބަރު 2023 ދުވަހު ކްރިމިނަލް ކޯޓަށް ހުށަހަޅާފައިވާނެއެވެ.
އެ ދަޢުވާތަކުގެ ތެރެއިން 183 (ސަތޭކަ އައްޑިހަ ތިނެއް) ދަޢުވާ ސާބިތުވާކަމަށް ކަނޑައަޅުއްވައި 31 ޑިސެންބަރު 2025 ދުވަހު ކޯޓުން އަދަބު ކަނޑައަޅުއްވާފައިވެއެވެ.
ޙަސަން މަމްދޫޙްގެ މައްޗަށް ސާބިތުވި ދަޢުވާތަކާއި ކަނޑައެޅުނު އަދަބު:
ދަޢުވާ
ދަޢުވާގެ ޢަދަދު
އަދަބު
ޓެކުން
46 ދަޢުވާ
364 އަހަރަށް ޖަލަށްލުން
އޮޅުވާލުމުގެ ޢަމަލެއް ކުރުން
44 ދަޢުވާ
13 އަހަރާއި 2 މަހާއި 12 ދުވަހަށް ޖަލަށްލުން
މީހަކަށް ކަމެއް އޮޅުވާލުމުގެ ނިޔަތުގައި އެނގިހުރެ ޞައްޙަނޫން ލިޔުމެއް ދިނުން
3 ދަޢުވާ
1 އަހަރާއި 4 މަހާއި 24 ދުވަހަށް ޖަލަށްލުން
މަނީ ލޯންޑްރިންގ
1 ދަޢުވާ
15 އަހަރަށް ޖަލަށްލުމާއެކު، 30 މިލިއަން ރުފިޔާއިން ޖޫރިމަނާކުރުން
393 އަހަރާއި، 7 މަހާއި، 6 ދުވަހަށް ޖަލަށްލުމާއެކު، 30 މިލިއަން ރުފިޔާއިން ޖޫރިމަނާކުރުން
ޖައިޝާން ސަޢީދުގެ މައްޗަށް ސާބިތުވި ދަޢުވާތަކާއި ކަނޑައެޅުނު އަދަބު:
ދަޢުވާ
ދަޢުވާގެ ޢަދަދު
އަދަބު
ޓެކުމުގައި ބައިވެރިވުން
45 ދަޢުވާ
140 އަހަރާއި 9 މަހާއި 18 ދުވަހަށް ޖަލަށްލުން
އޮޅުވާލުމުގެ ޢަމަލެއް ކުރުން
40 ދަޢުވާ
12 އަހަރާއި 4 މަހާއި 18 ދުވަހަށް ޖަލަށްލުން
މީހަކަށް ކަމެއް އޮޅުވާލުމުގެ ނިޔަތުގައި އެނގިހުރެ ޞައްޙަނޫން ލިޔުމެއް ދިނުން
3 ދަޢުވާ
1 އަހަރާއި 4 މަހާއި 24 ދުވަހަށް ޖަލަށްލުން
މަނީ ލޯންޑަރކުރުމަށް އެހީތެރިވުން
1 ދަޢުވާ
5 އަހަރަށް ޖަލަށްލުމާއެކު، 300 ހާސް ރުފިޔާއިން ޖޫރިމަނާކުރުން
159 އަހަރާއި، 7 މަހަށް ޖަލަށްލުމާއެކު، 300 ހާސް ރުފިޔާއިން ޖޫރިމަނާކުރުން
ދައުލަތަށް ނަގާ މުދާ:
މި މައްސަލާގައި ޙަސަން މަމްދޫޙްގެ މައްޗަށް ކޮށްފައިވާ މަނީ ލޯންޑްރިންގގެ ދަޢުވާ ސާބިތުވެފައިވާތީ، އެފް.ޑަބްލިއު ކޮންސްޓްރަކްޝަން ޕްރައިވެޓް ލިމިޓެޑްއިން ހުޅުމާލޭގައި ތަރައްޤީކޮށްފައިވާ އެފް.ޑަބްލިއު ރެޒިޑެންސްގެ ނަންބަރު: 02-13 އެޕާޓްމަންޓާއި، އެޕާޓްމަންޓާ ގުޅިފައިވާ ބޭސްމަންޓް ޕާކިންގ ސްލޮޓް ދައުލަތަށް ނެގުމަށް އަމުރުކުރައްވާފައިވެއެވެ.
މި މައްސަލާގައި ޙަސަން މަމްދޫޙްއާއި، ޖައިޝާން ސަޢީދުގެ މައްޗަށް ކޮށްފައިވާ ދަޢުވާތަކުގެ ތެރެއިން 16 (ސޯޅަ) ދަޢުވާއެއް ސާބިތުނުވާކަމަށް ކްރިމިނަލް ކޯޓުން ޙުކުމްކޮށްފައިވެއެވެ. އެ ދަޢުވާތައް ސާބިތުނުވާކަމަށް ނިންމަވާފައިވަނީ އެ ދަޢުވާތަކާ ގުޅިގެން ބަދަލު ލިބޭ ފަރާތްތަކުން ހެކިބަސްދޭން ކޯޓަށް ޙާޟިރުވެފައިނުވާތީއެވެ.
-
31 ޑިސެންބަރު 2025
ރުޤްޔާކުރުމުގެ ނަމުގައި އަންހެނަކާއި ކުޑަކުދިންތަކަކަށް ޖިންސީ ގޯނާކުރި ބައެއްގެ މައްޗަށް ކުށް ސާބިތުވުން
2020 ވަނަ އަހަރު އެކި ދުވަސްމަތިން، އަންހެނަކާއި، އުމުރުން 18 އަހަރު ނުފުރޭ 3 ކުދިންނަށް ރުޤްޔާ ކުރުމުގެ ނަމުގައި ޖިސްމާނީ ހާނިކަކޮށް، ޖިންސީ ގޯނާކޮށްފައިވާ މައްސަލާގައި ރ. ކަނދޮޅުދޫ، މިރިހިމާގެ އިސްމާޢީލް ވަޙީދާއި، ރ. ކަނދޮޅުދޫ، ދިލްސާދުއާގެ މުޙައްމަދު އަޞީލްގެ މައްޗަށް ދަޢުވާކުރުމަށް 30 ޑިސެންބަރު 2020 ދުވަހު ކްރިމިނަލް ކޯޓަށް ހުށަހަޅާފައިވާނެއެވެ.
މި މައްސަލާގައި ކްރިމިނަލް ކޯޓަށް ހުށެހެޅި 12 (ބާރަ) ދަޢުވާވެސް ސާބިތުވާކަމަށް 31 ޑިސެންބަރު 2025 ގައި ކޯޓުން ޙުކުމްކުރައްވައި އަދަބު ކަނޑައަޅުއްވާފައިވެއެވެ.
މުޙައްމަދު އަޞީލްގެ މައްޗަށް ސާބިތުވި ދަޢުވާތަކާއި ކަނޑައެޅުނު އަދަބު:
ދަޢުވާ
އަދަބު
1. ކުޑަކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން ޤަޞްދުގައި އަތްލުން
11 އަހަރަށް ޖަލަށްލުން
2. ކުޑަކުއްޖެއްގެ ޙާޟިރުގައި، ކުޑަކުއްޖަކަށް ދެއްކުމުގެ ނިޔަތުގައި ނުވަތަ ކުޑަކުއްޖަކަށް ފެންނާނެ ކަމަށް ޤަބޫލުކޮށްގެން ޖިންސީ ޢަމަލެއް ކުރުން
07 އަހަރަށް ޖަލަށްލުން
3. ޖިންސީ ގޯނާކުރުން
03 އަހަރަށް ޖަލަށްލުން
4. ކުޑަކުއްޖެއް އެކްސްޕްލޮއިޓް ކުރުން
03 އަހަރަށް ޖަލަށްލުން
5. ހުއްދަނޫން ގޮތުގައި މީހުން ހިފެހެއްޓުން
01 އަހަރާއި 07 މަހާއި 06 ދުވަހަށް ޖަލަށްލުން
6. އަނިޔާއެއް ދިނުން
02 މަހާއި 12 ދުވަހަށް ޖަލަށްލުން
7. ގައިގައި އަތްލުން
01 މަހާއި 06 ދުވަހަށް ޖަލަށްލުން
ޖުމްލަ އަދަބު
25 އަހަރާއި 10 މަހާއި 24 ދުވަހަށް ޖަލަށްލުން
އިސްމާޢީލް ވަޙީދުގެ މައްޗަށް ސާބިތުވި ދަޢުވާތަކާއި ކަނޑައެޅުނު އަދަބު:
ދަޢުވާ
އަދަބު
1. ކުޑަކުއްޖަކާމެދު އިހުމާލުވުމުގެ ކުށް
03 އަހަރަށް ޖަލަށްލުން
2. މީހަކު ނުވަތަ ބަޔަކު ކުޑަކުއްޖަކާމެދު އެކްސްޕްލޮއިޓޭޝަންގެ ޢަމަލެއް ހިންގާކަން އެނގިހުރެ އެކުށް ރިޕޯރޓްނުކުރުން
02 އަހަރަށް ޖަލަށްލުން
3. ހުއްދަނޫން ގޮތުގައި މީހުން ހިފެހެއްޓުން
01 އަހަރާއި 07 މަހާއި 06 ދުވަހަށް ޖަލަށްލުން
4. ގައިގައި އަތްލުން
01 މަހާއި 06 ދުވަހަށް ޖަލަށްލުން
5. ގައިގައި އަތްލުން
01 މަހާއި 06 ދުވަހަށް ޖަލަށްލުން
ޖުމްލަ އަދަބު
6 އަހަރާއި 9 މަހާއި 18 ދުވަހަށް ޖަލަށްލުން
-
31 ޑިސެންބަރު 2025
ޔާމީން ރަޝީދު މަރާލި މައްސަލަ އަލުން ބެލުމަށް ތަޙުވީލު ކުރުމާ ގުޅިގެން ތުހުމަތުކުރެވޭ މީހުން ޝަރީޢަތް ނިމެންދެން ބަންދު ކުރުން
23 އެޕްރީލް 2017 ދުވަހުގެ ވަގުތެއްގައި ސ.ފޭދޫ، ޗަބޭލީގެ ޔާމީން ރަޝީދުގެ ދިރިއުޅޭ ގެއަށް ޔާމީން ރަޝީދު ވަތް ވަގުތު ޔާމީން ރަޝީދު ހިފަހައްޓައި ތޫނު ހަތިޔާރުން ޙަމަލާދީ ރަޙުމްކުޑަގޮތަކަށް މަރާލާފައިވާ މައްސަލައިގައި ދިވެހިރާއްޖޭގެ ހައިކޯޓުގައި ކުރިއަށްދިޔަ އިސްތިއުނާފީ މައްސަލަ އެކޯޓުން ބެއްލެވުމަށްފަހު، ހ. އަންނާރުމާގެ އިސްމާޢީލް ހައިޝަމް ރަޝީދުއާއި، ހުޅުމާލެ ގޯތި ނަންބަރު 11399، އަޙްމަދު ޒިހާން އިސްމާޢިލްގެ މައްޗަށް ސާބިތުވި ދައުވާތައް ބާޠިލްކޮށް މި މައްސަލަ އަލުން ބެލުމަށް ކްރިމިނަލް ކޯޓަށް ތަޙްވީލްކޮށްފައިވެއެވެ.
ދިވެހިރާއްޖޭގެ ހައިކޯޓުގެ މި ނިންމެވުމާ ގުޅިގެން، ހ. އަންނާރުމާގެ އިސްމާޢީލް ހައިޝަމް ރަޝީދުއާއި، ހުޅުމާލެ ގޯތި ނަންބަރު 11399 އަޙްމަދު ޒިހާން އިސްމާޢިލްގެ ބަންދާމެދު ގޮތެއް ކަނޑައަޅުއްވައިދެއްވުމަށް މި އޮފީހުން މިއަދު ކްރިމިނަލް ކޯޓަށް ހުށަހެޅި ހުށަހެޅުމާ ގުޅިގެން، ކްރިމިނަލް ކޯޓަށް ތަޙްވީލްކުރި މައްސަލައިގެ ޝަރީޢަތް ނިމެންދެން އިސްމާޢީލް ހައިޝަމް ރަޝީދުއާއި، އަޙްމަދު ޒިހާން އިސްމާޢިލް ބަންދުކުރުމަށް އެކޯޓުން ވަނީ ނިންމަވާފައެވެ.